Leserreporter-Gedicht

„Corona-Weihnachten“

(Bild: ©Kzenon - stock.adobe.com)

Wie kreativ unsere Leser sind, zeigte sich bereits bei den Einsendungen der schönsten Weihnachtsfotos. Doch nicht nur hinter der Kamera, sondern auch hinter der Tastatur weiß die „Krone“-Community Weihnachtsstimmung zu verbreiten. So schickte uns Leserreporterin Martina E. dieses weihnachtliche Gedicht ihrer Schülerin Theresa P.

So wia jedes Joahr is´ ah heier wieder soweit,
es kimmt die ruhige, besinnliche Weihnochtszeit.
Ois wird stiller, ma kimmt zur Ruah´
Und schaut die Kerzen am Adventkraunz beim Brenna zua.

In da Kuchö riachts noch Keks und Kuchen,
ma trifft Freunde und tuat Verwaundte besuchen.
Und ah waunn oan sehr vertraut is diese Zeit,
is durch Corona ois aunders heit.

Ma dearf neamt treffn, ma kau nix kaffn,
ma muass si im G´schäft net um die Packerl raffn.
Ausgangssperre und Lockdown san heier die Devise,
ma woass net, wie launt sie nu dauern wird die Krise.

Und wie des ois heier aunders is,
denk´i ma, dass es vielleicht in Herrgott sei Plan g´wen is.
Vielleicht hot er si docht, die Leit soin mehr denken,
und den Blick auf des Wesentliche an Weihnachten lenken.

Im Vordergrund soid doch net der Stress und die Hektik steh´n,
ma soid in die Herzen seiner Mitmenschen seh´n.
Und irgendwie kimmt ma via, er hot´s g´schofft,
Weihnachten hot heier gaunz a besonderer Kroft!

Es is ois vü ruhiger und persönlicher dieses Joahr,
net so a Termin-Jagerei wies bis jetzt oft woar.
Ma muass net vo oana Feier zur aunderen hetzßn,
sondern tuat die Ruhe dahoam in Mittelpunkt setz´n.

Und so denk´ i, vielleicht is net ois an Corona schlecht,
des Gefühl va Weihnochtn g´spiart ma heier erst recht.
Und in diesem Sinn wünsch´ i olle meine liabn Leit,
a ruhige, entspannte und besinnliche Weihnochtszeit!